Янгиариқ тумани прокурори Отабек Эшчановнинг туман аҳолисига мурожаати.

Янгиариқ тумани прокурори Отабек Эшчановнинг  туман аҳолисига мурожаати.

Азиз  юртдошлар,  туманимиз ахолиси!

 Мамлакатимизда юз бераётган шиддатли ўзгаришларга, аҳолининг турмуш даражаси кескин ўсиб бораётганига ҳар биримиз  бирдек  гувоҳ  бўлмоқдамиз.

 Ўзгаришлар самарадор бўлишининг кафолати сифатида мамлакатда тинчлик ва осойишталикни таъминлаш, бунинг учун жиноятчиликка қарши курашиш тизимини тубдан яхшилашни давлат сиёсатининг энг устувор йўналишларидан бири десак хато бўлмайди.

Жорий йилнинг ўтган даврида Янгиариқ туманида  29 та йўл транспорт ҳодисаси содир қилиниб, шундан 3 та ўлим билан боғлиқ йўл транспорт ҳодисаси  оқибатида 5 нафар фуқаролар вафот этган.
Содир бўлган ўлим билан боғлиқ йўл транспорт ҳодисалари белгиланган тезлик мейёридан ошганлиги ҳамда спиртли ичимлик истеъмол қилиб автомашина бошқариб ҳаракатланиши оқибатида юз берган.
Шунингдек, 39 та ҳолатда ҳайдовчилар томонидан спиртли ичимлик истеъмол қилиб автомашина бошқарганлиги аниқланган бўлса, 100 дан ортиқ ҳолатда белгиланган тезликни меъёридан ошириш ҳолатлари аниқланган.

Ҳурматли фуқаролар! 

Автомашина бошқаришда огоҳ ва ҳушёр бўлишларингизни, йўл ҳаракати қоидаларига қатъий риоя қилишларингизни сўраб қоламан.

Янгиариқ тумани прокурори О.Эшчанов